ئەو دوو کەسەی لە پۆلیسێکی هاتووچۆیان دا لە بەغدا سزای تووند دران

ئاڤا نیوز

دادگای تاوانەکانی کەرخ، بڕیاری دوو ساڵ زیندانیکردنی بۆ دوو تاوانبار دەرکرد بە تۆمەتی هێرشکردنە سەر پۆلیسێکی هاتووچۆ لە بەغدا.

چیرۆکی سەرەکی: چەند ڕۆژێک لەمەوبەر گرتە ڤیدیۆیەک لە تۆڕە کۆمەڵایەتییەکان بە شێوەیەکی بەرفراون بڵاوبووەوە، لە گرتەکەدا دەردەکەوێت دوو گەنج بەشێوەیەکی زۆر دڕندانە دوور لەهەموو بەهایەکی کۆمەڵایەتیی و ئەخلاقی هێرش دەکەنە سەر پۆلیسێکی هاتووچۆ و لەبەرچاوی خەڵک زۆری لێدەدەن و پاشان شوێنەکە جێدەهێڵن.

ڕاگەیێنراوی فەرمی: ئەنجوومەنی باڵای دادوەری لە عێراق، لە ڕاگەیەندراوێکدا ئاماژەی بەوەکردووە، "تاوانبارەکان لە شارۆچکەی مەحمودییە بە تووندی هێرشیان کردووەتە سەر کارمەندێک لە کاتی ئەنجامدانی ئەرکەکەیدا و لێیانداوە".

زانیاریی زیاتر: لە ڕاگەیەندراوەکەدا هاتووە، "بڕیارەکە بە پشتبەستن بە حوکمەکانی ماددەی 38/دووەم/بەشی دووەم لە یاسای هاتووچۆی ژمارە 8ی ساڵی 2019 دەرکراوە".