بە ئامادەبوونی سەرۆک بارزانی، پارتی بانگەشەی هەڵبژاردن دەستپێدەکات

ئاڤا نیوز


ئەمڕۆ لە هەولێر بە ئامادەبوونی سەرۆک بارزانی، پارتی کەرنەڤاڵی ناساندنی کاندیدەکانی لە هۆڵی سەعد عەبدوڵڵا دەستپێدەکات.

چیرۆکی سەرەکی: بە ئامادەبوونی سەرۆک بارزانی و هەریەک لە نێچیرڤان باررزانی و مەسرور بارزانی، لە شاری هەولێر پارتی بە فەرمی بانگەشەی هەڵبژاردن دەستپێدەکات و لەلایەن سەرۆک بارزانییەوە پەیامی پارتی بڵاو دەکرێتەوە.

ئەوەی پیویستە بیزانیت: پارتی دیموکراتی کوردستان بە لیستی ژمارە 275 بەشداری هەڵبژاردنی کردووە، لە پارێزگای هەولێر 30 کاندیدی هەیە بۆ 10 کورسی ئەو پارێزگایە، ژمارەی ئەو کەسانەی لە پارێزگای هەولێر مافی دەنگدانیان هەیە یەک ملیۆن و 87 هەزار و 880 کەسە.

باکگراوند: پارتی ساڵی ڕابردوو لە هەڵبژاردنی پەرلەمانی کوردستان 809 هەزار و 197 دەنگ (39 کورسی) بەدەستهێنا, بەراورد بە هەڵبژاردنی 2021ی پەرلەمانی عێراق، پارتی 44 هەزار و 781 دەنگ زیادی کرد. لەو هەڵبژاردنە  768 هەزار و 416 دەنگ (32 کورسی) بەدەستهێنا.

لە هەڵبژاردنی ساڵی ڕابردووش بەراورد بە هەڵبژاردنی ساڵی 2013 پەرلەمانی کوردستان 65 هەزار و 213 دەنگ زیادی کرد.