سەرۆک بارزانی بۆ لایەنەکان: پارتی بە ئێوە ناشکێت

ئاڤا نیوز

سەرۆک مەسعود بارزانی بەشداری لە بانگەشەی پارتی بۆ هەڵبژاردنی پەرلەمانی عێراق کرد و  پەیامێکی ئاراستەی لایەنەکان کرد و ڕایگەیاند: پارتی زۆر گەورەترە لەوەی بە هاوپەیمانیی ئەم و ئەو بشکێت.

چیرۆکی سەرەکی: ڕۆژی یەکشەممە 12-10-2025، بە ئامادەبوونی سەرۆک بارزانی، نێچیرڤان بارزانی و مەسرور بارزانی، بانگەشەی پارتی بۆ هەڵبژاردنی پەرلەمانی عێراق لە هۆلی سەعد عەبدوڵڵا، لە هەولێری دەستیپێکرد.

لێدوانی فەرمی: سەرۆک بارزانی وتارێکی پێشکەش کرد و ڕایگەیاند: هەموو جارێک کە بەرەو هەڵبژاردن دەچین، دیسان پیلانگێریی سەرلەنوێ دژی پارتی دەستپێدەکات، ئامۆژگاری من بۆ ئەوانە ئەوەیە بە خۆیاندا بچنەوە، جارێک، دووجار و سێ جار دەبێت مرۆڤ عیبرەت وەرگرێت. پارتی بە ئێوە ناشكێت. پارتی زۆر لەوە گەورەترە بە هاوپەیمانیی ئەم و ئەو بشکێت.

زانیاریی زیاتر: بەگوتەی سەرۆک بارزانی، ئەگەر بیر لەوە بکەنەوە لەناو هەرێمی کوردستان یان بە هاوپەیمانییەک لە بەغدا دەتوانن کوردستان بشکێنن، ئەوا کوردستان بە ئێوە ناشکێت و پەشیمانیش دەبنەوە.