ئۆکرانیا داوای هاوکاریی سەربازی لە فەرەنسا دەکات

ئاڤا نیوز

ئۆکرانیا داوا لە فەرەنسا دەکات لە ڕووی بەرگریی ئاسمانییەوە یارمەتیی زیاتری پێشکەش بکات تا بتوانێت لە بەرامبەر هێرشەکانی ڕووسیا بەرگریی لە خۆی بکات.

وێنە گەورەکە: جەنگی نێوان ڕووسیا و ئۆکرانیا زیاتر سێ ساڵە بەردەوامە، ئۆکرانیا بەردەوام داوا لە وڵاتانی ئەوروپا و ناتۆ دەکات کە لەڕووی سەربازییەوە یارمرتی پێشکەش بکەن.

لێدوانی فەرمی: ڤۆلۆدیمیر زێلێنسکی، سەرۆکی ئۆکرانیا، ڕایگەیاند لە ڕێگەی پەیوەندیی تەلەفۆنییەوە قسەی لەگەڵ ئیمانوێل ماکرۆن، سەرۆکی فەرەنسا کردووە و پێی ڕاگەیاندووە کە پێویستیی زۆری بە یارمەتی سەربازی هەیە، لە سەروو هەمووشیەوە پێویستیی بە مووشەک و سیستەمی بەرگریی ئاسمانی هەیە.

ئەمەش بزانە: لەگەڵ نزیکبوونەوەی وەرزی سەرما، ڕووسیا زیاتر لە جاران کەرتی وزەی ئۆکرانیا دەکاتە ئامانج و زیانی پێدەگەیێنێت.