ئەنجامی زانکۆلاین لە ئاڤاوە وەربگرەوە

ئاڤا نیوز

ئەنجامی زانکۆلاین بۆ گەڕانەوەی ناوی قوتابییان لە زانکۆ و پەیمانگاکان ئاشکرا دەکرێت، قوتابییان دەتوانن لە ئاڤاوە ئەنجامەکان وەربگرنەوە. 

وێنە گەورەکە: وەزارەتى خوێندنى باڵا و توێژینەوەى زانستى ئەمڕۆ سێشەممە لە کۆنگرەیەکى ڕۆژنامەوانیدا گەڕانەوەی ناوی دەرچووانى پۆلی 12ى ئامادەیی لە زانکۆ و پەیمانگا حکومییەکان بۆ ساڵى نوێى خوێندنى 2025-2026 ڕاگەیاند.

ئەوەی پێویستە بیزانیت: لەگەڵ کارابوونی ماڵپەڕی زانکۆلاین، ئاڤا نیوز ڕاستەوخۆ ئەنجامەکان بڵاودەکاتەوە، لە ئێستاوە چاوتان لەسەر شاشە و ماڵپەڕ و پلاتفۆرمەکانی ئاڤا بێت لە سۆشیاڵ میدیا.

لێدوانی فەرمی: د. ئارام محەممەد، وەزیری خوێندنی باڵا لە کۆنگرەیەکی ڕۆژنامەوانیدا ڕایگەیاند: هەوڵمانداوە دەرفەتی خوێندن لە زانکۆ و پەیمانگەکان بۆ سەرجەم دەرچووان بڕەخسێنین، کارمان لەسەر ئەوە کردووە کە 100٪ـی توانای زانکۆکان زیاد بکەین، بۆ ئەوەی جێگەی سەرجەم قوتابیان بکەینەوە. 
 
- ٪100 دەرچووانی ئەمساڵ لە زانکۆ و پەیمانگەکان وەرگیراون و بەشێوەیەکی گشتیی نمرەی کۆلێژەکان دابەزیوە.

- هەر ئەمساڵ نزیکەی 15 هەزار کورسی خوێندن زیادە بۆ وەرگرتنی قوتابییانی پۆلی 12ی ئامادەیی. 

بەستەری وەرگرتنەوەی ئەنجامەکان لە ئاڤا