سەرەڕای ئاگربەست، ئیسرائیل هێرش بۆ سەر غەززە ئەنجام دەدات

ئاڤا نیوز

ئیسرائیل هێرشی بۆ سەر شارۆچکەی ئەلفخاری لە خان یونس لە باشووری کەرتی غەززە ئەنجامداوە و قوربانی لێدەکەوێتەوە، لە بەرامبەردا حەماس دەڵێت: ئیسرائیل ئاگربەستی غەززەی پێشکردووە.

چی ڕوودەدات: سەرەڕای ئاگربەستی غەززە کە لە هەینی ڕابردووەوە کاری پێدەکرێت، ڕۆژی دووشەممەش سەرۆکی چوار وڵات لە میسر واژۆیان لەسەر ڕێککەوتنامەکە کرد، بەگوێرەی زانیاریی میدیا عەرەبییەکان لەوانەش (جەزیرەی عەرەبی، حەدەس، سکای نیوز)، ئەمڕۆ سێشەممە ئیسرائیل هێرشی بۆ سەر شارۆچکەی ئەلفخاری لە خان یونس لە باشووری کەرتی غەززە ئەنجامداوە.

زانیاریی زیاتر: بەگوێرەی ئامارە سەرەتاییەکان لە هێرشەکەی ئیسرائیل بۆ سەر غەززە بەهۆی پێنج کەس کوژراون و ژمارەی برینداربووان تاوەکو ئێستا نەزانراوە.
 

لەلایەکی دیکەوە: سوپای ئیسرائیل ڕایگەیاند: هێزەکانیان ژمارەیەک گومانلێکراویان بینیووە کە هێڵی زەردیان لە باکووری غەززە بەزاندووە، بۆیە تەقەیان کردووە، لە کاتێکدا بەرپرسێکی حەماس پێیوابوو کە لایەنی ئیسرائیل ئاگربەستی پێشێل کردووە''.