سەرۆک بارزانی: ئەوەی لە کوردستان هەیە بەرهەمی خەباتی پێشمەرگە و شەهیدە قارەمانەکانە

ئاڤا نیوز 

سەرۆک بارزانی لە کۆبوونەوەی لەگەڵ پێشمەرگەکانی هەردوو شۆڕشی ئەیلوول و گوڵان دەڵێت، ئەوەی ئێستا هەیە بەرهەمی خەباتی پێشمەرگە و تێکۆشەرانی گەلەکەمان و خوێنی شەهیدە قارەمانەکانمانە.

چیرۆکی سەرەکی: ئەمڕۆ چوارشەممە 15-10-2025، لە پیرمام سەرۆک مەسعود بارزانی لەگەڵ دەزگای باڵای ئەیلوول و گوڵان و هێزەکانی خەبات کۆبووەوە،  پێزانینی خۆی بۆ خەبات و ماندووبوونیان دەربڕی کە ڕۆڵیان هەبووە لە بەدیهێنانی ئازادی بۆ گەلی کوردستان.

ڕاگەیێنراوی فەرمی: بەپێی ڕاگەیێنراوی بارەگای بارزانی، لە کۆبوونەوەکەدا سەرۆک بارزانی پێزانینی خۆی بۆ خەبات و ماندووبوونی پێشمەرگە و تێکۆشەرانی هەردوو شۆڕشی ئەیلوول و گوڵان دەربڕی کە ڕۆڵیان هەبووە لە بزووتنەوەی ڕزگاریخوازی کوردستان و بەدیهێنانی ئازادی بۆ گەلی کوردستان.

سەرۆک بارزانی ئەوەشی خستە ڕوو "ئەوەی ئێستا هەیە بەرهەمی خەباتی پێشمەرگە و تێکۆشەرانی گەلەکەمان و خوێنی شەهیدە قارەمانەکانمانە".

زانیاریی زیاتر: سەرۆک بارزانی لە بەشێکی دیکەی وتەکانیدا تیشكی خستەسەر بارودۆخی سیاسی و پێشهاتەکانی کوردستان و عێراق، هەروەها ئامۆژگاری و ڕێنمایی پێویستی لەبارەی پڕۆسەی سیاسی و هەڵبژاردنی ئەنجوومەنی نوێنەرانی عێراق خستە ڕوو.