مەسرور بارزانی لەگەڵ چین و توێژەکانی هەولێر کۆدەبێتەوە

ئاڤا نیوز

پێشنیوەڕۆی ئەمڕۆ لە هەولێر، لە چوارچێوەی بانگەشەی پارتی دیموکراتی کوردستان بۆ هەڵبژاردنی پەرلەمانی عێراق، مەسرور بارزانی، جێگری سەرۆکی پارتی لەگەڵ کادیران و چین و توێژەکان کۆدەبێتەوە.

وێنە گەورەکە: کەمتر لە مانگێک بۆ بەڕێوەچوونی هەڵبژاردنی خولی شەشەمی پەرلەمانی عێراق ماوە، پارتی دیموکراتی کوردستان بە گڕ و تینەوە بانگەشەی هەڵبژاردن دەکات، بەو ئامانجەی زۆرترین کورسی لە پارێزگاکانی هەرێمی کوردستان و ناوچە ئیدارییەکانی دەرەوەی ئیدارەی هەرێم بەدەستبهێنێت.

لێدوانی فەرمی: ئاری نانەکەلی، بەرپرسی لقی 16ـی پارتی بە ئاڤای گوت، "لەچوارچێوەی بانگەشەی سەرخستنی لیستی 275ـی لە هۆڵی پێشانگەی نێودەوڵەتی هەولێر، مەسرور بارزانی، جێگری سەرۆکی پارتی دیموکراتی کوردستان، بە ئامادەبوونی کاندیدانی بازنەی هەولێر، لەگەڵ جەماوەر و چین و توێژەکان و کادیر و لایەنگرانی پارتی کۆدەبێتەوە."

ئەمەش بزانە: پارتی لە هەشت پارێزگای عێراق بەشداری دەکات، 176 کاندیدی هەیە و لەو ژمارەیە 30 کاندید لە سنووری پارێزگای هەولێرن، کێبڕکێ لەسەر بەدەستهێنانی 15 کورسی پارێزگاکە دەکەن.