گوێدرێژێک بە مووچەی 100 هەزار دینار دامەزرێنراوە

ئاڤا نیوز

 

لە تەوێڵەی ناوچەی هەورامان، شارەوانیی شارۆچکەکە ژمارەیەک کەر و ئاژەڵی دیکەی بۆ کاری پاککردنەوە دامەزراندووە. تەوێڵە بە کۆڵانە تەسک و پێچاوپێچەکانی و پلیکانە لێژەکانی ناسراوە. ئەم تایبەتمەندییە وای کردووە کە ئۆتۆمبێلی خۆڵ و خاشاک نەتوانێت بگاتە هەموو گەڕەک و ماڵەکان. لەبەر ئەم هۆکارە، شارەوانیی تەوێڵە پەنای بۆ شێوازێکی داهێنەرانە و لە هەمان کاتدا کۆن بردووە؛ ئەویش بەکرێگرتنی ئاژەڵە.

 

ئەوەی پێویستە بیزانیت؛ شارەوانی چەند ئاژەڵێکی لە خاوەنەکانیان بە کرێی مانگانە گرتووە تاوەکو بۆ کۆکردنەوە و گواستنەوەی خۆڵ و خاشاک بەکاریان بهێنێت. لە بەرامبەر ئەم کارەدا، هەر خاوەن ئاژەڵێک مانگانە بڕی نزیکەی 100 هەزار دینار وەک "مووچە"ی ئاژەڵەکەی وەردەگرێت.