لە سۆران هەڵمەتی دەستبەسەرداگرتنی کەلوپەلی قەدەغەکراوی ئۆتۆمبێل دەستیپێکردووە

ئاڤا نیوز


پۆلیسی سۆران هەڵمەتێکی دەستپێکردووە بۆ دەستبەسەرداگرتنی ئەو کەلوپەلە ناپێویست و نایاساییانەی کە شۆفێران بەکاری دەهێنن وەکو لایتی پۆلیسی و فەرارە و پۆستەر و دروشم، هەر بۆیە ڕێکاریی یاساییان لەبەرامبەر دەگیرێتەبەر.

چیرۆکی سەرەکی: بەشێک لە شۆفێران لەکاتی بانگەشی هەڵبژاردن کۆمەڵێک کەلوپەلی نایاسایی بەکاردەهێنن کە دەبێتە هۆی بێزارکردنی خەڵکی، هەر بۆیە پۆلیسی سۆران لە ڕێگەی دانانی بازگەی کاتی و لەپێناو دابینکردنی کەشێکی ئارام بۆ هاووڵاتییان ڕێکاریی یاسایی لەبەرامبەر ئەو شۆفێرانە دەگرێتە بەر. 

لێدوانی فەرمی: عەقید شەماڵ دێواری، بەڕێوەبەری ڕاگەیاندنی پۆلیسی سۆران، بە ئاڤا میدیای ڕاگەیاند: لەڕێگای لیژنەیەكی هاوبەش بەڕێوەبەرایەتیی پۆلیسی سۆران، لەگەڵ پۆلیسی هاتووچۆی سۆران و ئاسایشی سۆران بەمەبەستی دانانی بازگەی هاوبەش لەناو سۆران، بۆ دەست بەسەرداگرتنی ئەو كەلوپەلانەی شوفێران بۆ ئۆتۆمبێلەکانی بەکاردەهێنن و دەبێتە هۆی بێزاری خەڵک بەپێی یاسا  قەدەغەیە

زانیاریی زیاتر: پۆلیسی سۆران لەوبارەیەوە دەشڵێت: داواكارین لە شۆفێران هاوكار و هەماهەنگ بن لەگەڵ تیمەكانی پۆلیس و ئاسایش بەمەبەستی ئارامی زیاتر بۆ شارەكەمان.

ئەوەی پێویستە بیزانیت: هەڵمەتەکە بەردەوامی دەبێت و جاری یەکەم تەنها لێکردنەوەی کەلوپەلە زیادەکانە، لە ئەگەری دووبارەکردنەوەی ڕێکاری تووند لەبەرامبەری دەگیرێتە بەر.