فەرماندەی هێزە میلیشیاییەکانی حوسییەکان کوژرا

ئاڤا نیوز

حوسییەکان کوژرانی فەرماندەی هێزە چەکدارەکان و یەکێکە لە سەرکردە دیارەکانیان ڕادەگەیێنن.

ڕاگەیێنراوی فەرمی: حوسییەکانی یەمەن لە بەیاننامەیەکدا ڕایانگەیاند: جەنەڕاڵ محەممەد غەماری، فەرماندەی گشتیی میلیشیاکانی حوسییەکان "لە شەڕێکی پڕ لە شانازیدا لە دژی ئیسرائیلی دوژمن" کوژرا.

نەزانراوەکان: حوسییەکان وردەکارییان لەسەر شەڕەکە و چۆنییەتی بە ئامانجگیرانی بڵاو نەکردووەتەوە.

ئەوەی لەبارەوە دەگوترێت: ڕۆژی 26-9-2025 ئیسرائیل هێرشێکی کردە سەر حوسییەکان و نۆ کەسی لێ کوشتن، ئەو کات ئیسرائیل گوتی غەماری یەکێکە لە کوژراوەکان.

ئەمەش بزانە: پێشتر ئیسرائیل چەند جارێک ئەم فەرماندەیەی کردبووە ئامانج بەڵام هەموو جارەکانی پێشوو ڕزگاری بووبوو.