نەتانیاهۆ: "شەڕ کۆتایی نەهاتووە"

ئاڤا نیوز

سەرەڕای ڕێککەوتنامەی غەززە، ئەمڕۆ پێنجشەممە بنیامین نەتانیاهۆ، سەرۆکوەزیرانی ئیسرائیل جەخت لەوە کردەوە، شەڕەکە لە غەززە و ناوچەکە تەواو نەبووە.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، ''دوژمنانی ئیسرائیل درکیان بەوە کردووە، هەرکەسێک دەستی لە دژی بەرزبکاتەوە، باجێکی قورس دەدات جەخت لەوەش دەکاتەوە، هەموو ئەو ئامانجانە بەدەست دەهێنێت کە لەم شەڕەدا  بەدوایدا دەگەڕا بۆیە شەڕەکە لە غەززە و ناوچەکە تەواو نەبووە''. 

ئەوەی پێویستە بیزانیت: دوای دوو ساڵی جەنگی غەززە، پلانی 20 خاڵی ترەمپ بۆ ئاشتی لەلایەن حەماس و ئیسرائیل پەسەند کرا، دواجار بووە هۆی ڕێککەوتن و ئاگربەستی غەززە ئەمریکا سەرکردایەتیی واژۆکردنی ڕێککەوتنامەکە کرد.

لەلایەکی دیکەوە: یسرائیل کاتز، وەزیری بەرگریی ئیسرائیلیش هەڕەشە دەکات کە ئەگەر حەماس ڕێز لە مەرجەکانی ئاگربەست نەگرێت ئەوا دووبارە ڕووبەڕووی هێرشەکانی ئیسرائیل دەبێتەوە.