دیمه‌نی ئازاردانی سه‌گێک كاردانه‌وه‌ى لێده‌كه‌وێته‌وه

ئاڤا نیوز


دیمەنی ئازادان و ڕاکێشانی سەگێک لەلایەن باوک و کوڕێکەوە، کاردانەوەی جیاوازی لە سۆشیاڵ میدیا لێدەکرێتەوە.

چیرۆکی سەرەکی: گرتە ڤیدیۆییەکی ئازادانی سەگێک لەلایەن کوڕ و باوكێکەوە لە ڕۆژی چوارشەممەوە سۆشیاڵ میدیای داگیرکردووە کە سەگێکیان پەتکردووە و لەدوای خۆیان ڕایدەکێشن. 

بەدواداچوونی ئاڤا: یەكێک لەوکەسانەی ئەو کارەی کردووە بە عومەرە سەگ گر لە سلێمانی ناوبانگی دەرکردووە، قسەی بۆ ئاڤاکرد: گڕیبەستێکم لەگەڵ شارەوانی کردووە، ڕۆژانە نزیکەی 50 سەگ کۆدەکەمەوە، ئەوەی کە خوێن لە دەمی ئەو سەگانە دێت هی تەل و زنجیری ملیانە و بۆ  بژێوی ژیان ئەو کارە دەکەم.

زانیاریی زیاتر: شارەوانی سلێمانی لەسەر ئەو بابەتە بەدواداچوونی زیاتر دەکەت تاوەکو بزانن بۆ بەم شێوەیە مامەڵە لەگەڵ سەگەکان دەکرێت. 

لێدوانی فەرمی: شادیە عەلی، سەرۆکی ڕێکخراوی هانی ئاژەڵ دۆستان بە ئاڤای گوت، بەڕاستی کارێکی قێزەونە بەم شێوەیە مامەڵە لەگەڵ ئاژەڵان دەکرێت، ئەو تیمەی سەگەکان کۆ دەکەنەوە بە دار و ئاسن لە سەگەکان دەدەن.