ئیسرائیل باشووری لوبنان بۆردوومان دەکاتەوە

ئاڤا نیوز

سوپای ئیسرائیل چەند پێگەیەکی لە باشووری لوبنان بۆردوومان کرد، ئەمەش سەرەڕای ئەوەی ئاگربەست لەنێوان ئەو دوو وڵاتە هەیە.

لێدوانی فەرمی: لەبەرامبەر ئەنجامدانی ئەو هێرشە سوپای ئیسرائیل ڕایگەیاندووە، هێرشەکان بۆ سەر چەند پێگەیەکی چەکدارانی حیزبوڵڵای لوبنان بووە بۆ ئەوەی ڕووبەڕووی هەر هەوڵێک ببنەوە کە ئەو ڕێکخراوە بیەوێت جارێکی دیکە ژێرخانی خۆی بونیادبنێتەوە. 

زانیاریی زیاتر: یەكێک لەو شوێنانەی کە ئیسرائیل بۆردوومانی کردووە کانێکی بەرهەمهێنانی چیمەنتۆیە کە چەکدارانی ئەو ڕێکخراوە بەکاریان دەهێنا بۆ دووبارە ئاوەدانکردنەوەی دامەزراوەکانیان کە لە ساڵی ڕابردوودا بەهۆی شەڕەوە لەناوچوون. 

ئەمەش بزانە: سەرەڕای ئاگربەستی نێوان ئیسرائیل و لوبنان، بەڵام ئیسرائیل چەندین جار لوبنانی بۆردوومان کردووە.