ترەمپ: لەگەڵ پووتین کۆدەبمەوە

ئاڤا نیوز

دۆناڵد ترەمپ، سەرۆکی ئەمریکا ڕایگەیاند، لەگەڵ ڤلادیمیر پووتین، سەرۆکی ڕووسیا کۆدەبێتەوە.

چیرۆکی سەرەکی: ترەمپ پەیوەندییەکی تەلەفۆنیی لەگەڵ پووتین ئەنجام دا و دوای پەیوەندییەکە ڕایگەیاند: پەیوەندییەکە زۆر "بە بەرهەم" بووە و "پێشڤەچوونی باش" بەدەست هاتوون و هەردوولاش لەسەر کۆبوونەوە لە بوداپێستی پایتەختی هەنگاریا ڕێککەوتوون و هەفتە داهاتوو کۆبوونەوەیەکی ئاستبەرزی ڕاوێژکاران لەو بارەوە بەڕێوەدەچێت. ترەمپ هەروەها دەڵێت: لەگەڵ پووتین باسیان لە پەیوەندییەکانی نێوان ئەمریکا و ڕووسیا لە قۆناغی دوای شەڕی ئۆکراینا کردووە. 

زانیاریی زیاتر: ترەمپ نووسیویەتی کار دەکات بۆ کۆتاییهێنان بەم شەڕە "ناپیرۆز"ـەی نێوان ڕووسیا و ئۆکراینا.

ئەمەش بزانە: لە پەیوەندییە تەلەفۆنییەکەدا پووتین پیرۆزبایی ئاگربەستی غەززەی لە ترەمپ کردووە. 

لەلایەکی دیکەوە: ترەمپ ڕۆژی هەینی، 17-10-2025، لە کۆشکی سپی لەگەڵ ڤۆلۆدیمیر زێلێنسکی، سەرۆکی ئۆکراینا کۆدەبێتەوە و باسی پەیوەندییە تەلەفۆنییەکەی خۆی و پووتینی بۆ دەکات.