ئۆپەراسیۆنە هاوبەشەکانی عێراق بۆ هاووڵاتیان: مامەڵە بەکارتی دەنگدانەوە نەکەن

ئاڤا نیوز

فەرماندەی ئۆپەراسیۆنە هاوبەشەکانی عێراق ڕایگەیاند، چەندین کەسیان بەتۆمەتی کڕین و فرۆشتنی کارتی دەنگدەران دەستگیرکردووە، هاوکات ئەو کەسانەشی كە بانگەشەی هەڵبژاردن دەکەنە ئامانج دەستگیر دەکات.

وێنە گەورەکە: کۆمیسیۆنی باڵای سەربەخۆی هەڵبژاردنەکانی عێراق جەخت لەسەر ئەوە دەکاتەوە، کۆکردنەوە یان هەر مامەڵەیەک بە کارتی دەنگدەرانەوە بە تاوانی هەڵبژاردن دادەنرێت و سزای تووندی بەدواوە دێت.

لێدوانی فەرمی: لیوا قەیس محەممەداوی، جێگری فەرماندەی ئۆپەراسیۆنەکان و سەرۆکی لیژنەی باڵای ئاسایش بۆ هەڵبژاردنی پەرلەمانی 2025، لە لێدوانێکی ڕۆژنامەوانیدا ڕایگەیاند: لە چەند رۆژی ڕابردوودا هێزە ئەمنییەکانی عێراق، ژمارەیەک لەو كەسانەیان دەستگيرکرد کە کرین و فڕۆشتنیان بەکارتی دەنگدەرانەوە کردووە.

زانیاریی زیاتر: محەممەداوی، ئاماژەی بەوەشکرد، لەسەرەتای دەستپێکردنی بانگەشەی هەڵبژاردنەوە، چەندین کەسیان بەتۆمەتی هێرشکردنە سەر کەمپەین و بارەگاکانی بانگەشەی هەڵبژاردن دەستگیرکردووە.

ئەوەی پێویستە بیزانیت:  بڕیارە 11ـی 11ـی ئەمساڵ، هەڵبژاردنی پەرلەمانی عێراق بکرێت، کۆمیسیۆنی باڵای هەڵبژاردنەکان بەردەوامە لە ئامادەکارییەکان ڕۆژانەش بنکەکانی تۆماری کارتی بایۆمەتری پێشوازی لە دەنگدەران  دەکەن ، بەمەبەستی پێدانەوەی کارتی دەنگدەران بۆ ئەو هاووڵاتییانەی مافی دەنگدانیان هەیە.