بۆ یەکەمجار و دوای 500 ساڵ؛ پاشای بەریتانیا و پاپای ڤاتیکان پێکەوە نزا دەکەن

ئاڤا نیوز

 

بڕیارە شا چارلز، پاشای بەریتانیا و لیۆی چواردەیەم، پاپای ڤاتیکان پێکەوە نوێژ بخوێنن و ئەمش دەبێتە یەکەمین حاڵەتی لەو شێوەیە لە لانیکەم 500 ساڵی ڕابردوودا.

 

بۆچی گرنگە؛ ئەم ڕووداوە لە دوای ڕیفۆرمی کەنیسەوە لە سەدەی شازدەیەم کە شا هێنریی هەشتەم لە کەنیسەی ڕۆمانی جیا بووەوە، ڕووی نەداوە و ئەمە دەبێتە ساتێکی مێژوویی کە هەفتەی داهاتوو شا چارلز و شاژنە کامیلا پێکەوە دەچنە ڤاتیکان و لەگەڵ پاپا لیۆ لە کەنیسەی سیستین بەشداریی لە ڕێوڕەسمی نوێژخوێندن دەکەن. 

 

بۆچی گرنگە: لەم ڕێوڕەسمەدا پاپای ڤاتیکان کە سەرۆکی کەنیسەی کاسۆلیکیی ڕۆمانییە شانبەشانی پاشای ئینگلەند دەبێت کە سەرۆکی کەنیسەی پرۆتستانیی ئینگلەندە و ئەمەش دەبێتە سیمبولێک بۆ ئاشتەوایی ئەم دوو کەنیسەیە.

 

ئەمەش بزانە: ئەمە یەکەم کۆبوونەوەی شا چارلز و پاپا لیۆ دەبێت و جەختیان لەسەر بەهێزکردنی پەیوەندییەکانی نێوان هەردوو کەنیسەی کاسۆلیکی و کەنیسەی ئینگلەند دەبێت.

 

زانیاریی زیاتر: شا و شاژنی بەریتانیا، لەمیانی ئەم سەردانەیاندا کە ڕۆژانی 22 و 23ـی ئۆکتۆبەری ئەمساڵ ئەنجام دەدرێت، ژمارەیەک دیدار و کۆبوونەوەی دیکەش ئەنجام دەدەن.