سەرۆکی پێشووی فەرەنسا دەخرێتە زیندانەوە

ئاڤا نیوز

بڕیارە ڕۆژی سێشەممە، 21-10-2025، نیکۆلا سارکۆزی، سەرۆکی پێشووی فەرەنسا، بخرێتە زیندانەوە و دەست بە جێبەجێکردنی سزاکەی بکرێت.

چیرۆکی سەرەکی: سارکۆزی بەهۆی بەدەستهێنانی پارە لە مەعمەر قەزافی، سەرۆکی پێشووی لیبیا، بۆ بەکاربردنی بۆ بانگەشەی هەڵبژردانەکانی سەرۆکایەتیی فەرەنسا، زیندانی دەکرێت.

زانیاریی زیاتر: سارکۆزی دەخرێتە زیندانێکەوە بە ناوی 'بەندیخانەی لا سانتێ' و لە ژوورێکی نۆ مەتریدا بەند دەکرێت. ئەو بە سێ ساڵ بەندکردن سزا دراوە؛ دوو ساڵی هەڵدەپەسێردرێت و ساڵێکی دەبێت لە بەندیخانە بەسەر ببات.

ئەمەش بزانە: سارکۆزی، کە 2007 تا 2012 سەرۆکی فەرەنسا بووە، دەبێتە یەکەم سەرۆکی پێشووی وڵاتێکی ئەندامی یەکێتی ئەوروپا کە لە دادگا سزای بەندکردنی بەسەردا سەپێنرابێت.