بڕیارێكی دیکەی سەرۆکوەزیران بارزانی جێبەجێ دەکرێت

ئاڤا نیوز

 

بڕیاری داشکاندنی 20٪ـی کرێی خوێندنی بەرایی (پارالێل و ئێواران)، خوێندنی باڵا (دبلۆمی باڵا و ماستەر و دکتۆرا) لە سەرجەم زانکۆ و پەیمانگاکانی هەرێمی کوردستان و ئەنجوومەنی باڵای کوردستان بۆ پسپۆرە پزیشکییەکان جێبەجێ دەکرێت.

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا بە ئاڤا نیوزی گوت: "بڕیارەکە لە ئەمڕۆوە جێبەجێ دەکرێت، ئامانج لە بڕیارەکە، ڕەچاوکردنی بارودۆخی دارایی قوتابیانە و لە ماوەی پێنج ساڵی ڕابردووشدا، کابینەی نۆیەم بەردەوام ئاسانكاریی بۆیان کردووە". 

بۆچی گرنگە؟ ئەم بڕیارە نزیکەی 50 هەزار قوتابی دەگرێتەوە و دەبێتە پاڵپشتییەکی باش بۆ ئەوەی بەردەوامی بە پرۆسەی خوێندن بدەن و دانەبڕێن.

ئەوەی پێویستە بیزانیت: ڕۆژی 27ـی مانگی ڕابردوو سەرۆکوەزیران بارزانی، کۆمەڵێک بڕیاری لە بەرژەوەندی هاونیشتیمانییان دەرکرد و یەکێک لە بڕیارەکان کەمکردنەوەی 20٪ کرێی خوێندن بوو.

 

وێنەی بڕیارەكە