ئەمریکا لەبارەی جەنگەوە هۆشداریی بە هێزەکانی دەدات

ئاڤا نیوز

فەرماندەی هێزی مارێنزی ئەمریکا هۆشداری دەداتە سەربازەکانی دەڵێت، جەنگ بەڕێوەیە و ئامادەبن. دەڵێت ئەوانەی جلەکانی ئێوەیان لەبەردابووە بەشداری جەنگە قورسەکانیان لە عێراق و ئەفغانستاندا کردووە.

چیرۆکی سەرەکی: لە ساڵیادی 250 ساڵەی دامەزراندنی هێزی مارێنزی ئەمریکا، ئیریک سمیز، فەرماندەی ئەو هێزەی ئەمریکا بە ئامادەبوونی جەی دی ڤانس، جێگری دۆناڵد ترەمپ و پێت هێگسێس، وەزیری جەنگی ئەمریکا وتارێکی پێشکەشکرد.

لێدوانی فەرمی: ئیریک سمیز، فەرماندەی هێزی مارێنزی ئەمریکا وتی، ئێوە جلی هەمان ئەو سەربازانەتان لەبەردایە کە لە جەنگی تەرەوادا لە میانی جەنگی دووەمی جیهانی دووەم مێژوویان بەرامبەر ژاپۆن تۆمارکرد.

وتیشی، ئێوە جلی هەمان ئەو هێزەتان لە بەردایە کە لە شەقامەکانی عێراق و شاخەکانی ئەفغانستان دەجەنگان.

زانیاریی زیاتر: سمیز هۆشداریشدا، جەنگی داهاتوو ڕوودەدات، وتی، متمانەم پێبکەن ئەو جەنگە روودەدات. ئێمە هەرگیز لە جەنگ نەترساوین و لە گۆرەپانی جەنگدا نەلەرزیوین و تواناکانمان وەک خۆی دەمێنێتەوە و پابەند دەبین.

ئەمەش بزانە: هێزەکانی مارێنز، تایبەتن بە ئۆپەراسیۆنە نهێنی و گرنگەکانی ئەمریکا، کە لە زۆربەی جەنگە گەورەکانی جیهان بەشدارییان کردووە و ڕۆڵی یەکلاکەرەوەیان هەبووە.