سەکۆیەکی ڕاوکردن بۆ ترەمپ دانراوە

ئاڤا نیوز

خزمەتگوزاری نهێنیی ئەمریکا ڕایگەیاند کە مۆڵگەیەکی ڕاوکردنی گوماناوییان دۆزیوەتەوە کە ڕاستەوخۆ دەکەوێتە بەرامبەر ئەو شوێنەی دۆناڵد ترەمپ، سەرۆکی ئەمریکا لە فڕۆکەی سەرۆکایەتیی ئەمریکا لە فڕۆکەخانەی نێودەوڵەتی پالم بیچ لە ویلایەتی فلۆریدا لێی دادەبەزێت.

چیرۆکی سەرەکی: سەکۆیەکی ڕاوکردن لەکاتی ئامادەکاری ئەمنی بۆ هاتنی دۆناڵد ترەمپ بۆ فڕۆکەخانەی پالم بیچ لەلایەن کارمەندانی خزمەتگوزاری نهێنی ئەمریکا دۆزراوەتەوە و لە کاتی دۆزینەوەیدا، هیچ کەسێک لە سەکۆکەدا نەبووە و هیچ کاریگەرییەکیشی لەسەر جووڵە و بەرنامەکانی سەرۆکی ئەمریکا نەبووە.

لێدوانی فەرمی: کاش پاتێل، بەڕێوەبەری دەزگای لێکۆڵینەوەی فیدراڵی ئەمریکا FBI ڕایگەیاند، پێش گەڕانەوەی سەرۆک ترەمپ بۆ فڕۆکەخانەکە مۆڵگەیەکی ڕاوکردنەکەیان دۆزییوەتەوە.

ئەوەی ئێستا ڕوودەدات: نووسینگەی لێکۆڵینەوەی فیدراڵی FBI و دەزگای خزمەتگوزاری نهێنی ئەمریکا کە ئەرکیان پاراستنی سەرۆکی ئەمریکایە، سەرپەرشتی لێکۆڵینەوە لە ڕووداوەکە دەکەن و تیمەکانیان سەرقاڵی کۆکردنەوەی هەموو بەڵگەکان، سەرچاوەیەک بە کەناڵی فۆکس نیوزی ئەمریکی ڕاگەیاندووە، پێدەچێت سەکۆکە ماوەی چەند مانگێکە دانرابێت.