لە هەولێر پێشانگای یادەوەرییەکانی بەرد دەکرێتەوە

ئاڤا نیوز

پێشانگای "یادەوەرییەکانی بەرد" لە هەولێر دەکرێتەوە و ماوەی 10 ڕۆژ بەردەوام دەبێت.

چیرۆکی سەرەکی: سبەی سێشەممە 21-10-2025 کاتژمێر 11ـی پیشنیوەڕۆ پێشانگەیەکی تایبەتی شێوەکاری لە شاری هەولێر دەکرێتەوە، تێیدا کۆمەڵێک تابلۆی تایبەتی حەمە هاشم، هونەرمەند و شێوەکار نمایش دەکرێن.

لێدوانی فەرمی: حەمە هاشم، هونەرمەند و شێوەکار بە ئاڤای ڕاگەیاند: پێشانگاکەم بۆ ماوەی 10 ڕۆژ بەردەوام دەبێت و کۆمەڵێک کاری تایبەت نمایش دەکەین، ڕۆژانە لە کاتژمێر 9ـی بەیانی تاوەکو یەکی نیوەڕۆ بەردەوام دەبێت، ئێواران لە کاتژمێر سێ تاوەکو شەش لە خزمەتی سەردانیکەراندا دەبێت.

باکگراوند: حەمە هاشم ساڵی 1973 لە شاری کۆیە لە دایکبووە، لە هونەری شێوەکاریدا خاوەنی ئەزموونە و نزیکەی 15 پێشانگەی جیاوازی لە هەرێمی کوردستان، ئەمریکا، فەرەنسا، ئەڵمانیا، تورکیا و چەند وڵاتێکی دیکە کردووەتەوە و کارەکانی نمایش کردووە.