فڕۆکەیەکی هێڵی ئاسمانی ئیمارات لە هۆنگ کۆنگ کەوتە ناو دەریا

ئاڤا نیوز

فڕۆکەیەکی کارگۆی کۆمپانیایەکی تورکی کە لە ‌هێڵی ئاسمانی ئیمارات کاردەکات و لە دوبەیەوە بەڕێ کەوتبوو، لە کاتی نیشتنەوە لە هۆنگ کۆنگ لە ڕێڕەوی خۆی دەرچوو و کەوتە ناو دەریا و بە هۆیەوە دوو کەس گیانیان لەدەستدا.

لێدوانی فەرمی: هێڵی ئاسمانیی ئیماراتی ڕایگەیاندووە، جۆری فڕۆکەکە Boeing 74ـە و لە کۆمپانیای ACTmY تورکی بەکرێیان گرتووە و دەڵێت: تیمی فڕۆکەوانیی فڕۆکەکە سەلامەتن و فڕۆکەکە هیچ کارگۆیەکی پێ نەبووە.

بە تەنیشت ئەم بابەتەوە: FlightRadar24  کە چاودێری گەشتە ئاسمانییەکان دەکات ئاماژەی بەوە داوە تەمەنی فڕۆکەکە 32 ساڵە و فڕۆکەکە سەرەتا نەفەرهەڵگر بووە و دواتر کراوەتە فڕۆکەی کارگۆ.

پێویستە ئەمەش بزانیت: لە دوای ڕووداوەکە ڕێڕەوی باکووری فڕۆکەخانەی نێودەوڵەتی هۆنگ کۆنگ داخرا، بەڵام ڕێڕەوەکانی ناوەڕاست و باشووری فڕۆکەخانەکە کاران.

لە لایەکی دیکەوە: هێشتا هێڵی ئاسمانیی ACT کە کۆمپانیایەکی تورکییە و توانای کارگۆکردن بۆ هێڵە ئاسمانییە گەورەکان زیاد دەکات، هیچ ڕاگەیێنراوێکی فەرمی لەبارەی ڕووداوەکە بڵاو نەکردووەتەوە.