وەزارەتی دارایی: بۆ پۆستی سەرۆک بەشەكانی بانكی نیشتمان سیڤییەكانتان پێشكەش بكەن

ئاڤا نیوز

وەزارەتی دارایی و ئابووری هەرێمی کوردستان داوا لە فەرمانبەرانی بانكە بازرگانییەكان دەكات، ئەوانەی ئارەزوو دەكەن ڕاژەكانیان بگوازنەوە سەر بانكی نیشتمان، فۆرمی داواكاری پێشكەش بكەن و دواتر چاپێكەوتنیان لەگەڵ ئەنجام دەدرێت.

وێنە گەورەكە: بانكی نیشتمان، بانكێكی حكومی سەر بە وەزارەتی دارایی و ئابووریی حكومەتی هەرێمی كوردستانە و لەلایەن بانكی ناوەندیی عێراقەوە مۆڵەتی پێدراوە، دەبێتە بانكێكی نیشتمانیی بۆ هەرێمی كوردستان.

ڕاگەیێنراوی فەرمی: بەشی ڕاگەیاندنی وەزارەتی دارایی و ئابووری بڵاویكردووەتەوە، هەر فەرمانبەرێك ڕاژەكەی لە بانكە بازرگانییەكانی سەر بە وەزارەتە و ئارەزوو دەكات ڕاژەكەی بگوازێتەوە سەر بانكی نیشتمان، بەمەبەستی دانانی سەرۆک بەشەكان و یاریدەدەرەكانیان لەو بانكە، لەڕێگەی ئەم بەستەرەوە كە لە ئاڤا نیوز دانراوە، فۆرمی داواكاری پڕبكەنەوە، دواتر چاوپێكەوتنیان بۆ ئەنجام دەدرێت.

بەستەری پێشكەشكردن