شێخ دارا: شەپۆلێکی بارانبارین ڕوو لە هەرێمی کوردستان دەکات

ئاڤا نیوز

بەهۆی کاریگەری شەپۆلی دەریای ناوەڕاست، ئەمشەو لە بەشێک لە ناوچەکانی هەرێمی کوردستان باران دەبارێت، سبەی سێشەممەش کاریگەریی شەپۆلەکە زیاتر دەبێت.

وێنە گەورەکە: بەپێی پێشبینییەکانی کەشوهەوا سبەی سێشەمە کاریگەریی شەپۆلێکی دەریای ناوەراست دەگاتەئاسمانی هەرێمی کوردستان و لە نێوەڕۆوە ئاسمان دەگۆڕێت بۆ هەور و نیمچە هەور، هاوکات  بارانبارینی پچڕ پچڕ لەناوچە جیاجیاکانی سنووری پارێزگای دهۆک و ئیدارەی زاخۆ و ئیدارەی سۆران و ناوچە شاخاوییەکان تۆمار دەکرێت.

لێدوانی فەرمی: شێخ دارا، پێشکەشکاری کەشوهەوای کەناڵی ئاڤا، ڕایگەیاند، ئەمشەو لە هەندێک ناوچەی هەرێمی کوردستان باران دەبارێت، بەیانیش کاریگەری زیاتر دەبێت لە پارێزگای دهۆک و سۆران و ناوچە شاخاوییەکان باران دەبارێت، بەڵام بارانەکە بە لێزمە و بە خوڕ نییە.

زانیاریی زیاتر: پلەکانی گەرما بەراورد بە ئەمڕۆ دوو تا چوار پلە نزم دەبنەوە و خێرای با مامناوەند دەبێت بە 10-25 کیلۆمەتر ئاراستەی با باشووری رۆژئاوا، بەڵام لە ڕۆژانی چوارشەممە و پێنجشەممە پلەکانی گەرما دوو  پلە بەرز دەبێتەوە.