کۆشکی سپی: ڤانس سەردانی ئیسرائیل دەکات بۆ نیشاندانی پابەندوونمانە بە ڕێککەوتنی ئاگربەست

ئاڤا نیوز

لەبارەی سەردانەکەی جێگری سەرۆکی ئەمریکا بۆ ئیسرائیل، بەپرسێکی کۆشكی سپی ئاشكرای دەکات، مەبەستی ئەم سەردانە ئەوەیە پابەندبوونی ئەمریکا بە ڕێککەوتنی ئاگربەستی غەززە نیشان بدات.

وێنە گەورەکە: بڕیارە ئەمڕۆ سێشەممە، جەی دی ڤانس جێگری سەرۆکی ئەمریکا، لە ئیسرائیل بێت و لەگەڵ بنیامین نەتانیاهۆ، سەرۆکوەزیرانی ئیسرائیل بەرپرسانی باڵای وڵاتەکە کۆببێتەوە.

زانیاریی بەدەستهاتوو: ماڵپەڕی نیوز نەیشنی ئەمریکی، لە زاری بەرپرسێکی کۆشکی سپییەوە بڵاویکردەوە، جەی دی ڤانس، جێگری سەرۆکی ئەمریکا دەچێتە ئیسرائیل بۆ ئەوەی پابەندبوونمان بە جێبەجێکردنی ڕێککەوتنی ئاگربەست نیشان بدات، هاوکات بۆ ئەوەی دڵنیا ببینەوە لەوەی هەردوولا لەسەر ئاگربەست ڕێکدەکەون

زانیاریی زیاتر: هەمان بەرپرس لەبارەی هەنگاوەکانی حەماسەوە دەڵێت، ئیدارەی ئەمریکا گەشبینە بەوەی بزووتنەوەکە بە ئاراستەیەکی دروستدا دەڕوات.

ئەوەی لەبارەیەوە دەگوترێت: دوێنی دووشەممە وەفدێکی باڵای ئەمریکا لەنێویاندا ستیف ویتکۆف و جارێد کوشنەر گەیشتنە ئیسرائیل و ئەمڕۆ سێشەممە جەی دی ڤانس، جێگری سەرۆکی ئەمریکا سەردانی ئیسرائیل دەکات ئامانج لە سەردانەکە پێشخستنی ڕێککەوتنەکە و کارکردن لەسەر قۆناغەکانی داهاتووی ئاگربەستی غەززە لە ژێر پلانی 20 خاڵی ئاشتی ترەمپ.