وڵاتانی جیهان پیرۆزبایی ئاراستەی سەرۆکوەزیرانی نوێی ژاپۆن دەکەن

ئاڤا نیوز

پەرلەمانی ژاپۆن دەنگدانی بۆ هەڵبژاردنی سەرۆکوەزیرانی نوێی وڵاتەکە ئەنجامدا، دەرئەنجام بۆ یەکەمجار لە ژاپۆن ئافرەتێک بە سەرۆکوەزیران هەڵدەبژێردرا و سەرکردەی وڵاتان پەیامی پیرۆزبایی ئاڕاستە دەکەن.

چیڕۆکی سەرەکی: سانای تاکایچی، سەرۆکی پارتی لیبڕاڵ تەمەن 64 ساڵ، بە بەدەستهێنانی 237 دەنگی پەرلەمان، وەک یەکەم سەرۆکوەزیرانی ئافرەت لە ژاپۆن هەڵبژێردرا.

پەیامی وڵاتانی جیهان بۆ سەرۆکوەزیرانی نوێی ژاپۆن:

-پێشتر دۆناڵد ترەمپ سەرۆکی ئەمریکا تاکایچی  بە"کەسێکی بەڕێز و دانا و خاوەن هێزێکی زۆر" وەسفی کردوو.

 

-ئۆرسولا ڤۆن دێر لیین، سەرۆکی یەکێتی ئەوروپا ڕایگەیاند، "وەک یەکەم سەرۆکوەزیرانی ئافرەتی ژاپۆن، مێژوو تۆمار دەکەیت. من بەوپەڕی خۆشحاڵییەوە چاوەڕێی کارکردنم لە نزیکەوە بۆ ئەوەی هاوبەشی ناوازەی ژاپۆن و یەکێتی ئەوروپا بەرەو ئاستێکی دیکە ببەم.

 

-لی جای وونگ، وتەبێژی وەزارەتی دەرەوەی کۆریای باشوور دەڵێت، حکومەتەکەمان بەردەوام دەبێت لە نزیکەوە لەگەڵ کابینەی نوێی ژاپۆن بۆ پاراستنی پەیوەندییە دوو قۆڵییەکانمان.

-گوا جیاکۆن، وتەبێژی وەزارەتی دەرەوەی چین ڕایگەیاند، هیوادارە پەیوەندییەکان لەگەڵ تۆکیۆ بەرەوپێشەوە بچن.