جێگری سەرۆکی ئەمریکا گەیشتە تەلئەبیب

ئاڤا نیوز

بە مەبەستی هەنگاونان بۆ قۆناغی دووەمی ئاگربەستی غەززە، فڕۆکەی جێگری سەرۆکی ئەمریکا لە فڕۆکەخانەی تەلئەبیب نیشتەوە.

زانیاریی بەدەستهاتوو: دوای ڕێککەوتنی ئاگربەستی غەززە ئاڵۆزییەکان بەشێوەیەکی بەرچاوە پەرەیان سەندووە، بڕیارە جەی دی ڤانس، جێگری سەرۆکی ئەمریکا سبەی لەگەڵ بنیامین نەتانیاهۆ، سەرۆکوەزیران ئیسرائیل و سەرکردەکانی دیکەی وڵاتەکە کۆببێتەوە و گەشتەکەی  تاوەکو ڕۆژی پێنجشەممە بەردەوام بێت.

ئەوەی لەبارەیەوە دەگوترێت: بەرپرسێکی کۆشکی سپی ئاشكرای کرد، ڤانس بۆ ئەوە دەچێتە ئیسرائیل تاوەکو پابەندبوونمان بە جێبەجێکردنی ڕێککەوتنی ئاگربەست نیشان بدات.

بۆچوونی لایەنی بەرامبەر: بنیامین نەتانیاهۆ، سەرۆکوەزیرانی ئیسرائیل ڕایگەیاند، لە سەردانەکەی ڤانس بۆ ئیسرائیل باس لە ئاستەنگییەکان و دەرفەتەکانی ناوچەکە تاوتوێ دەکەین.

بەتەنیشت ئەم بابەتەوە: نێردراوانی ترەمپ، جارێد کوشنەر و ستیڤ ویتکۆف، پێشتر ڕۆژی دووشەممە گەیشتوونەتە ئیسرائیل و لەگەڵ بنیامین نەتانیاهۆ، سەرۆکوەزیرانی وڵاتەکە کۆبوونەتەوە بەرپرسێکی نووسینگەی نەتانیاهۆ دەڵێت، کۆبوونەوەکە ئەرێنی بوو و هیچ ناکۆکییەک نەبووە.