پۆڵەندا لە لێواری کۆدەتا ڕزگار کرا

ئاڤا نیوز

دۆخی ناوخۆی پۆڵەندا لەوپەڕی خراپی دایە و حکومەتی پۆڵەندا ژمارەیەک کەسی دەستگیرکردووە کە ئامادەکارییان بۆ کۆدەتا کردووە لە چەندین ناوەندی سەربازییدا و هەوڵی ئەوەیان داوە کە هێرشی تێکدەرانە ئەنجام بدەن، بەڵام حکومەت ڕێگری لە پەرەسەندنی ڕووداوەکە کردووە و ژمارەیەک سیخوڕی دەستگیر کردووە.

وێنە گەورەکە: لە پۆڵەندا، دەزگا ئەمنییەکان چەند کەسێکیان بە گومانی پلاندانان بۆ هێرشی تێکدەرانە و ئەنجامدانی سیخوڕی لەسەر ژمارەیەک ناوەندی سەربازی دەستگیرکردووە، کە پێدەچێت ئامادەکارییان بۆ کودەتایەک کردبێت. 

لێدوانی فەرمی: دۆناڵد تاسک، سەرۆکوەزیرانی پۆڵەندا، ئاماژەی بەوەدا کە دۆسیەکە لە پەرەسەندن دایە و "چالاکی و ئۆپەراسیۆنی گوماناوی بەردەوامە".

ئەمەش بزانە: تا ئێستا وردەکاریی زیاتر لەبارەی ناسنامەی دەستگیرکراوەکان هێشتا بە تەواوی ڕوون نییە کە ئایا هیچ لایەنێکی دەرەکی، بە تایبەتی ڕووسیا، لە پشت ئەم هەوڵەدا بووە یان نا.

لەلایەکی دیکەوە: مۆسکۆ ئەو تۆمەتانەی ڕەتکردەوە کە دەستی لەم پیلانگێڕییەدا هەبووبێت. ڕووسیا پێداگری لەسەر ئەوە دەکات کە ئەم تۆمەتانە دەرئەنجامی "ڕووسۆفۆبیا"ن، واتە ترس و ڕق لێبوونەوەی لە ڕووسیا.