سەرۆکی کۆلۆمبیا: ترەمپ درۆزنە

ئاڤا نیوز

 

گوستاڤۆ پێترۆ، سەرۆکی کۆلۆمبیا لەبارەی دوایین ئاڵۆزییەکانی نێوان ڤەنزوێلا و ئەمریکا هێرشی تووند دەکاتە سەر ترەمپ و بە "درۆزن" ناوی دەبات.

 

وێنە گەورەکە: پەیوەندییەکانی نێوان ئەمریکا و ڤەنزوێلا بەبیانووی هەبوونی ڕێژەیەکی زۆری ماددەی هۆشبەر ئاڵۆزە و بەتایبەت دوای ئەوەی ترەمپ دووبارە بووەوە بە سەرۆکی ئەمریکا دەستی بە سەپاندنی سزای ئابووری کرد بەسەر ڤەنزەوێلادا، ئەوەش بووە هۆکاری ئەوەی ئەوەندەی دیکە پەیوەندییەکانی نێوان ئەمریکا و ڤەنزوێلا دژوارتربێت.

 

لێدوانی فەرمی: گوستاڤۆ پێترۆ، سەرۆکی کۆلۆمبیا ڕایدەگەیێنێت، دۆناڵد ترەمپ، سەرۆکی ئەمریکا ئامادەکاریی دەکات بۆئەوەی ڤەنزوێلا داگیر بکات و هۆکارەکەیشی هەبوونی ماددە هۆشبەرەکان نییە، بەڵکو ئەمریکا "سوێی بووەتەوە بۆ نەوت" بۆیە ئەگەر بانگەشەی ئەوە بکات و بڵێت من کار بۆ ڕووبەڕووبوونەوەی ماددەی هۆشبەر دەکەم ئەوە "درۆ" دەکات.

 

گوستاڤۆ پێترۆ پەیامێکیش بۆ ڤەنزەوێلا دەنێرێت و دەڵێت، "ئەوەی دەیڵێم خەمخۆرییە، بۆیە ڤەنزوێلا با چاوەڕێی ئەوە نەکات شەڕی بۆ بکەم بەڵام پێویستە کەمێک هۆشیارتربنەوە".

 

لەلایەکی دیکە؛ مادۆرۆ، سەرۆکی ڤەنزوێلا پەیامێکی بڵاوکردەوە و ڕایگەیاند، کۆلۆمبیا باش دەزانێت ئێمەی برای یەکین هەرشتێک لە ڤەنزوێلا بێت لەلایەن هەر وڵاتێکەوە یانی بەسەر کۆلۆمبیا هاتووە و هەر شتێکیش بەسەر کۆلۆمبیا بێت یانی بەسەر ڤەنزوێلا هاتووە".