ترەمپ بەشێکی کۆشکی سپی دەڕوخێنێت

ئاڤا نیوز

دۆناڵد ترەمپ، سەرۆکی ئەمریکا بەشێكی کۆشكی سپی دەڕوخێنێت بە ئامانجی دروستکردنی هۆڵێکی ئاهەنگگێڕان کە 250 ملیۆن دۆلاری تێدەچێت.

 

زانیاریی بەدەستهاتوو: ڕووخاندنی بەشێکی کۆشکی سپی لە ڕۆژی دووشەممەوە دەستیپێکردووە بۆ ئەوەی شوێنێک دروست بکرێت بۆ بۆنە و ئاهەنگەکان، ئەمەش یەکێکە لە گەورەترین پڕۆژە بیناسازییەکان لە کۆشکی سپی لە ماوەی زیاتر لە سەدەیەکدا.

 

لێدوانی فەرمی؛ دۆناڵد ترەمپ، سەرۆکی ئەمریکا ڕایگەیاند، "بە خۆشحاڵییەوە ڕایدەگەیەنم کە بیناسازی لە کۆشکی سپی دەستیپێکردووە بە ئامانجی ئەوەی هۆڵێکی ئاهەنگێڕان و سەماکردن دروست بکرێت".

 

ئەوەی لەبارەیەوە دەگوترێت: بە گوتەی ترەمپ، ئەم هۆڵە بۆ ئێوارەخوانە گەورەکان بەکاردەهێنرێت کە تیایدا میوانداری سەرۆک و سەرکردە و بۆنە گەورە و گرنگەکان دەکات.

 

ئەمەش بزانە: هۆڵە نوێیەکە لەسەر زیاتر لە هەشت هەزار مەتر چوارگۆشە دروست دەکرێت و تا هەزار کەس لەخۆبگرێت، تێچووی ئەم پرۆژەیە 250  ملیۆن دۆلارە.