سارکۆزی لە زیندانەوە دەست بە نووسینەوەی کتێب دەکات

ئاڤا نیوز

پارێزەری نیکۆلا سارکۆزی، سەرۆکی پێشووی فەرەنسا ئاشکرای دەکات، ناوبراو لە زیندانەوە دەستیکردووە بە نووسینەوە کتێبێک.

وێنە گەورەکە: دوێنی سێشەممە 21-10-2025، نیکۆلا سارکۆزی، سەرۆکی پێشووی فەرەنسا بەتۆمەتی بەدەستهێنانی پارە لە مەعمەر قەزافی، سەرۆکی پێشووی لیبیا، کە بڕی 50 ملیۆن یۆرۆی بۆ سارکۆزی بۆ خەرجییەکانی هەڵبژاردن تەرخانکردووە زیندانی کرا.

زانیاریی بەدەستهاتوو: ژان میشێل دارۆیس، پارێزەری سارکۆزی دەڵێت: لە یەکەم ڕۆژی زیندانیدا نیکۆلا دەستی بە نووسینەوە کتێبێک کردووە، هەر چەندە یەکەم  ڕۆژی لە زیندان ترسناک بووە بەڵام ڕۆژەکەی بەڕێکرد.

زانیاریی زیاتر: ناوی زیندانەکە 'بەندیخانەی لا سانتێ' و لە ژوورێکی نۆ مەتریدا ماوەتەوە بۆ ماوەی پێنج ساڵ سزای زیندانی بەسەردا سەپێنراوە.

ئەمەش بزانە: سارکۆزی، کە 2007 تا 2012 سەرۆکی فەرەنسا بووە، دەبێتە یەکەم سەرۆکی پێشووی وڵاتێکی ئەندامی یەکێتی ئەوروپا کە لە دادگا سزای بەندکردنی بەسەردا سەپێنرابێت.