ئۆكراینا هێرشێكی درۆنیی بەرفراوانی كردە سەر ڕووسیا

ئاڤا نیوز

ڕووسیا تێکشکاندنی 53 درۆنی ئۆکراینای ڕاگەیاند کە ئاڕاستەی چەند ناوچەیەکی جیاوازی وڵاتەکەی کردووە، بەتایبەتیش ناوچەی ڕۆستۆڤ.

ڕاگەیێنراوی فەرمی: وەزارەتی بەرگریی ڕووسیا ڕایگەیاند: لەشەوی ڕابردوو و بەیانی ئەمڕۆ هەینی، چەند هەوڵێکی ئۆکراینا تێکشکێنراوە کە هێرش بکرێتە سەر چەند ناوچەیەکی جیاوازی ڕووسیا لە ڕێگەی درۆنەوە، 53 درۆن تێکشکێنراون کە 44 یان بۆ سەر ئاسمانی ناوچەی ڕۆستۆڤ هەڵدراون.

ئەوەی پێویستە بیزانیت: سوپای ئۆکراینا ماوەیەکە لە ڕێگەی درۆنەوە هێرشی پێچەوانەی بۆ سەر چەند شارێکی سنووریی ڕووسیا دەستپێکردووە، بەتایبەتیش هەرێمەکانی "بیلگۆرۆد ، بریانسک ، کۆرسک ، ڕۆستۆڤ".

باکگراوند: هێرشی ڕووسیا بۆ سەر ئۆکراینا پێی ناوەتە ساڵی دووەمیەوە، دەیان هەزار سەرباز و خەڵکی مەدەنی لە هەردوولا کوژراون و برینداربوون.