ئالان ئەنوەر قەرەداغی ماڵئاوایی دەکات

ئاڤا نیوز

ئالان ئەنوەر قەرەداغی، گۆرانی ماڵئاوای هونەرمەند دیاری قەرەداغی نوێدەکاتەوە و بە میوزیکێکی نوێ وە بڵاویدەکاتەوە.

لێدوانی تایبەت: ئالان ئەنوەر قەرەداغی، بۆ ئاڤانیوز گوتی: گۆرانی ماڵئاوای دیاری قەرەداغی ئامۆزام بەشێوازێکی جیاواز وتووەتەوە بە هاوکاری میوزیسیان میران لەتیف ، تەنیا بە پیانۆیەک کارەکەم کردووە و نەمویست قەرەباڵغی دروستبکەم لە بەرهەمەکەدا. 

زانیاریی زیاتر: بیرۆکەی تازە کردنەوەی گۆرانی ماڵئاوا بۆ ئەوە دەگەڕێتەوە کە من وەک خۆم، هەستەکەم ماڵئاوایی لە جوانییەکان دەکەم و جوانییەکانی ژیان هێواش هێواش دەڕۆن.

ئەمەش بزانە : ئالان ئەنوەر قەرەداغی، کوڕی هونەرمەندی ئاوازدانەر ئەنوەر قەرەداغییە، چەند ساڵێکە دەستی بە کاری هونەری کردووە و خاوەنی چەند بەرهەمێکی خۆیەتی.