گفتوگۆ بازرگانییەکانی ئەمریکا و چین دەستپێدەکەن

ئاڤا نیوز

چین و ئەمریکا دوایین خولی دانوستانی بازرگانییان لە مالیزیا دەستپێکرد، ئەمەش پێش کۆبوونەوەی لوتکەی نێوانیان کە بڕیارە هەفتەی داهاتوودا لە کۆریای باشوور بەڕێوە بچێت.

ڕاگەیێنراوی فەرمی: وەزارەتی بازرگانیی چین ڕایگەیاند: 'هێ لیفنگ'، جێگری سەرۆکوەزیران سەرکردایەتیی شاندەکە دەکات. تەوەری سەرەکیی گفتوگۆکان بابەتی باجە گومرکییەکان دەبێت.

ئەمەش بزانە: گفتوگۆکان لە نهۆمی 92 لە تاوەری مێردکا 118 بەڕێوەدەچن کە دووەم بەرزترین تاوەری جیهانە. 

ئەوەی پێویستە بیزانیت: ئەمریکا و چین دوو گەورەترین ئابووریی جیهانن و پەیوەندییەکانی نێوانیان کاریگەریی لەسەر ئابوریی جیهانیش دەبێت.