ئەمریکا سەرۆکی کۆڵۆمبیا سزا دەدات

ئاڤا نیوز

ئەمریکای سزای بەسەر سەرۆکی کۆڵۆمبیا، خێزانەکەی و وەزیری ناوخۆی ئەو وڵاتەدا سەپاند.

چیرۆکی سەرەکی: وەزارەتی گەنجینەی ئەمریکا گوستاڤۆ پێترۆ، سەرۆکی کۆڵۆمبیای سزا داوە بە تۆمەتی ئەوەی لە بازرگانیی ماددەی هۆشبەردا ڕۆڵی هەیە و ڕێگری لە چوونە ناوەوەی کۆکایین بۆ ئەمریکا ناکات. ترەمپ پیترۆی بە 'سەرکردەی نایاسایی ماددەی هۆشبەر' ناو بردبوو.

کاردانەوە و لێکەوتەکان: سەرۆکی کۆڵۆمبیا تۆمەتەکان ڕەتدەکاتەوە و دەڵێت: گەنجینەی ئەمریکا درۆ دەکات.

ئەوەی پێویستە بیزانیت: سزادانی سەرۆکی دەوڵەتان زۆر بە کەمی ڕوو دەدات، بەڵام زۆر کات بەهۆی زیادبوونی مەترسی و کۆنترۆڵنەکردنی بابەتە نایاساییەکان ئەو بڕیارەی لێ کەوتووەتەوە.