ئەڵمانیا بیر لە گەڕاندنەوەی خزمەتی سەربازیی ناچاریی دەکاتەوە

ئاڤا نیوز

بۆ ڕووبەڕووبوونەوەی هەڕەشەکانی ڕووسیا، ئەڵمانیا دەیەوێت گۆڕانکاریی لە سوپاکەیدا بکات و ژمارەیان زیاتر بکات، یەکێک لە ڕێگاکانیش گەڕانەوەی خزمەتی سەربازیی ناچارییە.

وێنە گەورەکە: ئەڵمانیا خۆی بۆ شەڕێکی چاوەڕوانکراو لە نێوان ئەوروپا و ڕووسیا ئامادە دەکات کە پێشبینیی دەکات ساڵانی داهاتوو ڕوو بدات، ئەمەش دوای ئەوەت هەڕەشەکانی ڕووسیا تادێت زیاتر دەبن و هەوڵێکی جددیش نییە بۆ وەستانی جەنگی ئەو وڵاتە لەگەڵ ئۆکراینا.  

زانیاریی بەدەستهاتوو: حکومەتی ئەڵمانیا ڕەشنووی پڕۆژەی "نویکردنەوەی خزمەتی سەربازیی" ئامادە کردووە و ئێستا گفتوگۆی لەسەر دەکرێت، تاوەکو ئێستا دیار نییە ئەو پڕۆژەیە دەنگی پێویست دەهێنێت یاخود نا.

ئەمەش بزانە: ئەڵمانیا دەیەوێت لە قۆناغی یەکەمدا ژمارەی سوپای وڵاتەکەی زیاد بکات، ئەمەش بە گرتنەبەری ڕێکاری وەرگرتنی خۆبەخشان و زیادکردنی ژمارەی سەربازانی وڵاتەکەی بە ڕێژەی 20 هەزار سەرباز بۆ هەر ساڵێک، قۆناغی دووەمیش بیرکردنەوە دەبێت لە گەڕانەوەی خزمەتی سەربازیی ناچاری.