پاکستان و ئەفغانستان لە ئەستەنبووڵ کۆدەبنەوە

ئاڤا نیوز

بڕیارە ڕۆژی شەممە، 25-10-2025، دانوستانکارانی ئەفغانستان و پاکستان لە ئەستەنبوڵ کۆببنەوە. ئەمەش بەمەبەستی چارەسەرکردنی کێشە ئەمنییەکان و هێنانەکایەی ئاگربەستێکی بەردەوام بەدرێژایی سنوورە هاوبەشەکانیان.

 

وێنە گەورەکە: لە ماوەی هەفتەکانی ڕابردوو شەڕ و تووندوتیژیی زۆر لە نێوان هەردوو دەوڵەت ڕوویان دا و بە هۆیەوە دەیان کەس لە هەردوولا کوژران.

 

پاش شەڕەکە ئاگربەستێکی کاتی لە نێوانیان کرا و پاشانیش لە دەوحەی پایتەختی قەتەر گفتوگۆیان دەستپێکرد. ئێستا لە ئەستەنبول درێژە بە گفتوگۆکان دەدرێت کە بڕیارە میکانیزمەکانی جێەجێکردنی ئاگربەستەکە و پاراستنی سەقامگیریی نێوانیان تاوتوێ بکرێت. 

 

زانیاریی زیاتر: هۆکاری سەرەکیی ناکۆکییەکانی نێوانیان ئەوەیە کە پاکستان ئەفغانستان بە هاندانی تاڵیبانی پاکستان تۆمەتبار دەکات، بەڵام ئەفغانستان ئەم تۆمەتانە ڕەت دەکاتەوە.