سەرۆکی ڤەنزوێلا بۆ ئەمریکا: شەڕ هەڵدەگیرسێنن

ئاڤا نیوز

دوای هەوڵەکانی واشنتن بۆ بەهێزکردنی پێگەی سەربازیی خۆی لە دەریای کاریبی بە جێگیرکردنی کەشتییەکی فڕۆکەهەڵگر، سەرۆکی ڤەنزوێلا ڕەخنە لە ئەمریکا و سەرۆکەکەی دەگرێت و دەڵێت، "شەڕ هەڵدەگیرسێنن".

 

چیڕۆکی سەرەکی: بەپێی بڕیاری دۆناڵد ترەمپ، سەرۆکی ئەمریکا هەر بەلەمێک ماددە هۆشبەرەکان بۆ ئەمریکا بگوازێتەوە لە دەریای کاریبی دەکرێتە ئامانج؛ لەچوارچێوەی ئەمەشدا وەزارەتی جەنگی ئەمریکا کەشتیەکی فڕۆکەهەڵگری بۆ ڕووبەڕووبوونەوەی گرووپەکانی بە قاچاخبردنی ماددە هۆشبەرەکانی وڵاتانی ئەمریکا لاتین جوڵاندووە.

 

ئەوەی پێویستە بیزانیت: کەشتییە فڕۆکەهەڵگرەکەی ئەمریکا کە بۆ دەریای کاریبی جووڵاندووە ناوی  (USS Gerald R Ford)  و توانای هەڵگرتنی زیاتر لە 90 فڕۆکەی هەیە، بە جووڵاندنی ئەو فڕۆکەهەڵگرە توانای هێزەکانی ئەمریکا لە ناوچەکە بەرزتر دەکاتەوە.

 

لێدوانی فەرمی: نیکۆلاس مادۆرۆ, سەرۆکی ڤەنزوێلا ڕایگەیاند، ئەوان [ئەمریکا] خەریکی داهێنانی شەڕێکی ئەبەدیی نوێن، بەڵێنیان داوە جارێکی دیکە تووشی شەڕێک نەبن، ئێستاش شەڕێک دادەهێنن ئێمە ڕێگری لێدەکەین".