سەرۆکی چین ڕەتی کردەوە لەگەڵ ڕاوێژکاری ئەڵمانیا کۆببێتەوە

ئاڤا نیوز

ئەڵمانیا بە بەردەوامی هەوڵدەدات پەیوەندییە دیپلۆماسییەکان و ئابووری و بازرگانییەکانی لەگەڵ چین بەرەوپێشببات و زیاتر ئاڵۆگۆڕی بازرگانییان هەبێت پێکەوە بۆ ئەو مەبەستەش ڕاوێژکاری ئەڵمانیا داوای کردبوو لەگەڵ شی جینگ پینگ، سەرۆکی چین کۆببێتەوە، بەڵام هەوڵەکانی بێ ئەنجامبوون.

وێنە گەورەکە: پەیوەندییەکانی ئەڵمانیا و چین بەهۆی پەیوەندییە بازرگانییە بەهێزەکان و بەرژەوەندی هاوبەشەوە لە قاڵب دەدرێت، بەڵام چین هێشتا ئامادەیی ئەوەی نییە ئەڵمانیا وەکو هاوبەشێکی سەرەکی بۆخۆی هەژمار بکات.

بڵاوکراوەی فەرمی: ماڵپەڕی دی وێڵت بڵاویکردووەتەوە کە شی جینگ پینگ، سەرۆکی چین کاتی نەبووە لەگەڵ ڕاوێژکاری ئەڵمانیا کۆببێتەوە و خۆیشی نەیویستووە کاتی بۆ تەرخان بکات ئەوەش دڵگرانی ئەڵمانییەکانی لێکەوتووەتەوە.

ئەمەش بزانە: ئەڵمانیا بۆ هەندێک پێداویستی ناوخۆ ڕاستەوخۆ پشت بە چین دەبەستێت و لەسەرەتای ئەمساڵەوە تاوەکو مانگی هەشتی ئەمساڵ قەبارەی بازرگانی نێوان چین و ئەڵمانیا 163.4 بلیۆن یۆرۆیە.