سویسرا ملیارەها دۆلار تەرخان دەکات بۆ نۆژەنکردنەوەی پەناگەکانی

ئاڤا نیوز

سویسرا، بە هۆکاری گۆڕانی دۆخی ئەمنی جیهان، دەستیکردووە بە پڕۆژەیەکی گەورەی نۆژەنکردنەوەی پەناگەکانی وڵاتەکەی کە لە کاتی هێرشی سەربازیدا بۆ مانەوەی هاووڵاتیانی تەرخان دەکرێن.

چیرۆکی سەرەکی: لە شاری زیورخ، پەناگەیەکی حەوت نهۆمی بۆ باری لەناکاو تەرخانکراوە کە دەتوانێت 11 هەزار کەس لە کاتی پێویستدا لەخۆبگرێت، لە پەناگەکەدا ئاوی خواردنەوە، مۆلیدەی کارەبایی، فلتەری غاز و بنکەی فەرماندەیی هەیە.

زانیاریی زیاتر: سویسرا خاوەنی نزیکەی 370 هەزار پەناگەی تایبەتە کە دەتوانرێت شوێنی مانەوە بۆ نۆ ملیۆن دانیشتووی ئەو وڵاتە دابین بکات.

زانیاریی بەدەستهاتوو: وڵاتەکە لە پلانیدایە لە ساڵی 2026 ـدا، 200 پەناگەی گەورەتر بە تێچووی 276 ملیۆن دۆلار لە ماوەی 15 ساڵدا نۆژەن بکاتەوە.

ئەمەش بزانە: کار لەسەر سیستمەکانی هەواگۆڕکێ و فلتەرکردنی پەناگەکان دەکرێت کە تەمەنیان 40 ساڵی تەواو کردووە و بودجەیەکی یەک ملیار و 200 ملیۆن دۆلاری بۆ ئەم مەبەستە لە ماوەی 15 ساڵی داهاتوودا تەرخان دەکرێت.