بۆ واژۆکردنی ڕێککەوتنی ئاشتیی تایلەند و کەمبۆدیا، ترەمپ گەیشتە مالیزیا

ئاڤا نیوز

 

دۆناڵد ترەمپ، سەرۆکی ئەمریکا، بە سەردانێکی فەرمی و بەمەبەستی بەشداربوون لە ڕێوڕەسمی واژۆکردنی ڕێککەوتننامەی ئاشتیی نێوان تایلەند و کەمبۆدیا، گەیشتە کوالالامپوری پایتەختی مالیزیا.

 

وێنە گەورەکە: تایلەند و کەمبۆدیا بە هەوڵ و نێوەندگیریی دۆناڵد ترەمپ کۆتاییان بە شەڕ و پێکدادانە سنوورییەکانی نێوانیان هێناوە و ڕێککەوتنێکی ئاشتی بۆ ئاساییکردنەوەی پەیوەندییەکانیان واژۆ دەکەن.

 

لێدوانی فەرمی: ترەمپ ڕێککەوتنەکەی بە "ڕێککەوتنێکی ئاشتیی گەورە" وەسف کردووە و دەڵێت "بە شانازییەوە" نێوەندگیریی کردووە.

 

بە تەنیشت ئەم بابەتەوە؛ هەر لە کوالالامپور کۆبوونەوەی وڵاتانی باشووری ڕۆژهەڵاتی ئاسیا دەستپێدەکات کە ترەمپ بەشدار دەبێت.

 

هەنگاوی داهاتوو؛ بڕیارە ترەمپ بۆ ماوەی هەفتەیەک لە ئاسیا بمێنێتەوە؛ دوای مالیزیا، ترەمپ سەردانی ژاپۆن و کۆریای باشووریش دەکات و کە چاوەڕێ دەکرێت لەگەڵ شی جینپینگی هاوتا چینییەکەیشی کۆببێتەوە و ئەگەریشی هەیە چاوی بە کیم جۆنگ ئوون، ڕێبەری کۆریای باکوور بکەوێت.