چین و هیندستان گەشتە ئاسمانییەکانی نێوانیان دەستپێدەکەنەوە

ئاڤا نیوز

دوای پێنج ساڵ لە ڕاگرتنیان، هیندستان و چین گەشتە ئاسمانییە ڕاستەوخۆکانیان دەستپێکردەوە.

 

وێنە گەورەکە: دەستپێکردنەوەی گەشتەکان هەنگاوێکی سیاسی و بازرگانیی گرنگی دوو گەورە هێزی ئاسیایە کە وڵاتانی دیکەش بە وریاییەوە لە پەیوەندییەکانی ئەم دوو دەوڵەتە دەڕوانن. هەردوو دەوڵەت هیوادارن ئاساییبوونەوەی گەشتە ئاسمانییەکان، ئاساییکردنەوەی پەیوەندییەکانی دیکەش بە دوای خۆیدا بێنێت.

 

بۆچی گرنگە؛ هیندستان و چین قەرەباڵغترین دوو وڵاتی جیهانن کە زۆرترین دانیشتوانیان هەیە. دوو دراوسێ و ڕکابەری ستراتیژیی یەکدین. پەیوەندییەکانیان کاریگەریی لەسەر پەیوەندییە ئابوورییەکانی ئاسیا و جیهان دەبێت.

 

باکگراوەند: دوای شەڕ و پێکدادانە سنوورییەکانی نێوانیان لە ساڵی 2020 گەشتە ڕاستەوخۆکانی نێوان چین و هیندستان ڕاگیران.