ڕووسیا مووشەکێکی نوێ تاقی دەکاتەوە کە بە وزەی ئەتۆمی کار دەکات

ئاڤا نیوز

 

ڕووسیا دەڵێت، مووشەکێکی نوێی کرووزی تاقی کردووەتەوە کە سووتەمەنەییەکەی پشت بە وزەی ئەتۆمی دەبەستێت و توانای هەڵگرتنی کڵاوەی ئەتۆمیشی هەیە.

 

وێنە گەورەکە: مووشەکەکە ناوی 'بورێڤێستینک'ـە و لە تاقیکردنەوەکەدا 14 هەزار کیلۆمەتری بڕیوە و 15 کاتژمێر بە ئاسمانەوە بووە.

 

لێدوانی فەرمی؛ ڤلادیمێر پووتین، سەرۆکی ڕووسیا لەبارەی توانای مووشەکەوە دەڵێت، بەو سیستمە بەرگرییانەی ئێستا و داهاتووش [مووشەکەکە] ڕاناگیرێت، ئەمەش بەهۆی ئەو توانایەی لە گۆڕینی ڕێڕەو  و بڕینی ئەو مەودا دوورەی هەیەتی.

ئەمەش بزانە: لە شوباتی 2022ـەوە ڕووسیا لە دژی ئۆکراینا لە شەڕدایە و بەردەوامە لە پەرەپێدان بە توانا سەربازییەکانی.