گەورەترین كامێرای پێشكەوتوو بۆ گرتنی وێنەی گەردوون دروستكرا

ئاڤا نیوز

پرۆسەی دروستکردنی گەورەترین کامێرای پێشکەوتوو، بۆ خزمەتی لێکۆڵینەوە زانستییەکان بە سەرکەوتووی کۆتایی هات. 

چیرۆکی سەرەکی: زانایانی تاقیگەی نیشتیمانی کۆمپانیای (سڵاک) لە ویلایەتە یەکگرتووەکانی ئەمریکا لە دوای دوو دەیە کارکردن سەرکەوتووانە توانییان گەورەترین کامێرای پێشکەوتوو بۆ گرتنی وێنەی زەوی و هەسارەکان دروست بکەن.

ژمارەکان وادەڵێن: کێشی کامێراکە سێ تۆنە و هەستیاری لەتۆمارکردنی وێنەدا دەگاتە سێ هەزار و 200 مێگاپێکسڵ و تیرەی هاوێنەکەی یەک مەتر و 57 سانتیمەترە. 

 لێدوانی فەرمی: لەئایندەیەکی نزیکدا پرۆسەی تۆمارکردنی وێنەی نوێی زەوی و ئاسمان بەکامێراکە دەستپێدەکات، وەک کۆمپانیای (سڵاک) دەڵێت: کواڵێتی وێنەکانی کامێراکە زۆر بەرزە و بۆ نمایشکردنی یەک وێنە پێویستیان بە سەدان شاشەی تەلەفزیۆنی دەبێت. 

ئەوەی پێویستە بیزانیت: کامێراکە بۆ تۆمارکردنی وێنەی ئاسایی بەکار ناهێنرێت، بەپێچەوانەوە بۆ وێنەی گەردوون و هەسارەکان و لێکۆڵینەوە زانستییەکان سوودی لێوەردەگیرێت.