کلاسیکۆ کۆتاییهات؛ ڕیاڵ مەدرید سەرکەوت بەسەر بەرشەلۆنە

ئاڤا نیوز

لە میانی یارییەکانی گەڕی دەیەمی لالیگا، لەسەر یاریگای سانتیاگۆ بێرنابیۆ، یانەی ڕیال مەدرید میوانداری یانەی بەرشەلۆنەی کرد و یارییەکەی لێ بردەوە بە ئەنجامی 2 گۆڵ بەرامبەر گۆڵێک.

چیرۆکی سەرەکی: لە یەکەم کلاسیکۆی ئەم وەرزە لەسەر یاریگەی سانتیاگۆ بێرنابیۆ، لە میانەی بەڕێوەچوونی گەڕی دەیەمی لالیگا ڕیال مەدرید میوانداری بارسێلۆنا کرد.

چی ڕوویدا: یارییەکە بە ئەنجامی 2 گۆڵ بەرامبەر گۆڵێک لە بەرژەوەندی ڕیال مەدرید کۆتاییهات، لە خولەکی 22، کیلیان ئێمباپێ ڕیال مەدریدی پێشخست بە تۆمارکردنی گۆڵی یەکەم، دواتر لە خولەکی 38، فێرمێن لۆپێز ئەنجامەکەی یەکسان کردەوە بۆ بەرشەلۆنە، لە خولەکی 43، جود بێلینگهام ڕیال مەدریدی کردە خاوەنی گۆڵی دووەم و سەرکەوتن.

ئەوەی پێویستە بیزانیت: ئێستا ڕیاڵ مەدرید لە پلەی یەکەمی لالیگا دێت بە کۆکردنەوەی 27 خاڵ و بەرشەلۆنەش لە پلەی دووەم دێت بە کۆکردنەوەی 22 خاڵ، واتە جیاوازی خاڵەکانی نێوانیان بوو بە 5 خاڵ.