باندە تاوانکارییەکان هەڕەشە لە یەکێتیی ئەوروپا دەکەن

ئاڤا نیوز

بە گوێرەی ڕاپۆرتێکی پۆلیسی یەکێتیی ئەوروپا "یورۆپۆل"، 821 باندی تاوانکاری ترسناک، لە ئەوروپا چالاکن. 

وێنە گەورەکە: سەرکردەی باندە تاوانکارییەکان بە زۆری لە دوبەی یان باشووری ئەمریکاوە فەرمان بۆ ئەندامی باندەکان لە ئەوروپا دەردەکەن. زۆربەی باندەکانیش بە کاری ماددەی هۆشبەر بە تایبەتیش کۆکاینەوە خەریکن. ئەوان هەروەها لە بزنسەکانی وەک دروستکردنی خانوو، گواستنەوە و گەیاندن و هەروەها یانە شەوانەکان سەرقاڵن. جیا لەمە ئەم گرووپانە بەرتیل دەدەنە دادوەر و داواکارە گشتییەکان، یان هەڕەشەیان لێدەکەن. 

زانیاریی زیاتر: 27 وڵاتی ئەندام لە یەکێتیی ئەوروپا دەیانەوێت لە رێگەی جێبەجێکردنی یاسا و بە هەماهەنگی نێوانیان تۆڕی ئەم باندە تاوانکارییانە هەڵبوەشێننەوە. 

ئەوەی پێویستە بیزانیت: باندەکان زیاتر لە 25 هەزار ئەندامیان لە 112 وڵاتیی جیاواز هەیە و بەشی زۆری چالاکییەکانیان لە وڵاتانی بەلجیکا، ئەڵمانیا، ئیتاڵیا، هۆڵەندا و ئیسپانیایە.