ترەمپ بۆ وێستگەی دووەمی سەردانەکەی بەڕێکەوت

ئاڤا نیوز

بە ئامانجی ئەنجامدانی گرێبەستی نوێی بازرگانی و وەبەرهێنان، دۆناڵد ترەمپ، سەرۆکی ئەمریکا، ئەمڕۆ لە ژاپۆن دەبێت ئەمەش لە چوارچێوەی گەشتی ناوبراوە بۆ ئاسیا.

وێنە گەورەکە: دۆناڵد ترەمپ، سەرۆکی ئەمریکا لەم هەفتەیەدا یەکەم سەردانی خۆی بۆ کیشوەری ئاسیا دەستپێکرد، دوێنی لە مالیزیا بوو و ئەمڕۆ بەرەو ژاپۆن بەڕێدەکەوێت.

زانیاریی بەدەستهاتوو: دووەم وێستگەی ترەمپ ئەمڕۆ دووشەممە ژاپۆن دەبێت بڕیارە لەگەڵ بەرپرسانی باڵای وڵاتەکە لە نێویاندا و سەرۆکوەزیرانی تازە هەڵبژێردراوی وڵاتە کۆببێتەوە.

زانیاریی زیاتر: ترەمپ لە ڕێگەیەوە بۆ ئاسیا، لەگەڵ سەرۆکوەزیرانی ژاپۆن قسەی کردووە، بە کەسێکی گەورە و دۆستانە ناوی بردووە، بۆیە چاوەڕوان دەکرێت ئەمریکا وەبەرهێنانی زیاتر لە ژاپۆن بکات.

ئەمەش بزانە: پێشبینی دەکرێت وێستگەی گرنگەکەی ئەم گەشتەی ترەمپ لە کۆریای باشوور بێت، بڕیارە ترەمپ لە 29 مانگ بگاتە ئەوێ بۆ لووتکەی هاوکاری ئابووری ئاسیا و زەریای هێمن، لەوێ چاوی بە شی جین پینگ سەرۆکی چین بکەوێت.