ئیسرائیل بەشێوەیەکی کاتی ڕێگە بە گەیاندنی یارمەتییە مرۆییەکان بۆ ‌غەززە دەدات

ئاڤا نیوز

 

دوای گوشارە نێودەوڵەتییەکان، ئیسرائیل بەشێوەیەکی کاتی ڕێگەی بە کرانەوەی بەشێک لە ڕێڕەوەکانی گەیاندنی یارمەتیی مرۆیی بە کەرتی غەززە دا.

 

هۆکارە زانراوەکان: بەهۆی کوژرانی 7 کارمەندی ڕێکخراوێکی مرۆیی جیهانیی لە هێرشێکی ئیسرائیلدا، گوشارەکان لەسەر ئیسرائیل زیاتر بوون، ئیسرائیل دانی بەوەدا ناوە کە بەهۆی هەڵەی ئەوانەوە ئەو کارمەندانە کوژراون و هێزەکانیان وایانزانیوە ئەوانە چەکداری حەماسن. ئێستا بۆ کەمکردنەوەی گوشارەکان، ئیسرائیل ڕێگەی داوە "بە شێوەیەکی کاتی" یارمەتیی مرۆیی بە غەززە بگەیەنرێت.

 

ئەوەی پێویستە بیزانیت: ئەمریکا لە بەرزبوونەوەی بەردەوامی قوربانییانی مەدەنی لە غەززە نیگەرانە و هۆشداری دابوو بە ئیسرائیل کە سیاسەتی خۆی بەرامبەر بە ئۆپەراسیۆنەکەی ئیسرائیل دەگۆڕێت.

لەلایەکی دیکەوە: ئەڵمانیاش ڕایگەیاندووە دوای نزیکەی شەش مانگ لە شەڕ و گەمارۆ "هیچ بیانوویەک نەماوەتەوە" کە ئیسرائیل ڕێگە بە گەیاندنی یارمەتییە مرۆییەکان بە غەززە نەدات.