ترەمپ: هەشت جەنگم ڕاگرتووە

ئاڤا نیوز

سەرۆکی ئەمریکا لەبارەی جەنگە جیهانییەکان لەنێوان وڵاتاندا ئاشکرای کرد، ئەو وەکو تاکە سەرۆک لە ئەمریکا توانیویەتی هەشت جەنگ ڕابگرێت و گوتیشی، " حەزم بە کۆتایی هێنان بە جەنگەکانە".

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، من کۆتاییم بە جەنگی نێوان (کۆسۆڤۆ - سێربیا) و (کۆنگۆ و ڕواندا) و (پاکستان و هیندستان) و (ئیسرائیل و ئێران) و (میسر و ئەسیوپیا) و (ئەرمینیا و ئازەربەیجان) و (کەمبۆدیا و تایلەند) و (ئیسرائیل و حەماس) هێنا، بەوەش من هەشت جەنگم لە جیهان  ڕاگرتووە و کۆتاییم پێیان هێناوە.

ئەمەش بزانە: لەبارەی جەنگی نێوان حەماس و ئیسرائیل ترەمپ ڕایگەیاند، کۆتاییمان بە جەنگەکە هێنا کە هیچ کەسێک باوەڕی نەدەکرد ئەوە ڕووبدات و ئاشتیمان گەڕاندەوە بۆ ڕۆژهەڵاتی ناوەڕاست.


لەبارەی جەنگی نێوان ئێران و ئیسرائیل وتی، "بینیتان چ جەنگێک بوو، چۆن دوو بۆمبم پێوە نان و ئەوانم لە بەرهەمهێنان و دروستکردنی چەکی ئەتۆم دوورخستەوە".

لەلایەکی دیکەوە: سەرۆکی ئەمریکا ئاماژەی بەوەشدا کە ئێمە تەنیا بە قسە و دانوستان، ژیانی ملیۆنانمان لە جەنگ و کاولکاری ڕزگار کرد، بەبێ ئەوەی هێزی سەربازی ئەمریکا تێوەبگلێت.